Şaredarîya Amedî ya Şaristanê Girdî, qerenfilê çînî ke serayanê xo de ramitî, pê dest pêkerd ke refûj û çatrayîranê şaristanî bixemilno. Nê vilikî goreyê vilikanê mewsîmkîyan hîna zaf herre de manenê û ekonomîk ê.

Serekîya Daîreya Park û Baxçeyan, seba kêmîkerdişî xebitnayîşê awe û viraştişê qadanê keskan ê ekolojîkan xebatan dewam kena. Qerenfilê Çînî ke hîna zaf herre de manenê û biteserûf ê, herinda vilikanê mevsîmkîyan refûj û çatrayîranê şaristanî de herre reyde ardî têhet.

650 Hezar şitilî

Serekîya Daîreya Park û Baxçeyan, Şilbe TOKÎ de serayanê Mudîrîyetê Şûbeyê Nebatan û Darûberkerdişî de sipî, pembe, sur û mor - 4 rengan de qerenfilê çînî ramitî

Yenîşehîr cadeyanê Hîndlî Baba û Yaşar Kemalî, Baglar Bulwarê Qamişlo de heta nika 46 hezar vilikî ronîyayî. Tena Bulwarê Qamişlo de 21,650 vilikî ronîyayî, 38,350 hebî zî do bêrê ronayene.

Mûhendîsê Zîraetî Osman Yavûzî îfade kerd ke serra vîyarte de înan 250 hezar toxim girewtî, netîceyanê başan ra dima nika şitilê 650 hezaran resayî. Serranê ameyoxan de hedef 1.5 mîlyon o.