Şaredarîya Amedî ya Şaristanê Girdî, goreyê waştişanê cinîyan kursê tamîr û miqateyê klîma, kombî û petekan û pêardiş û tamîrê mobîlyayan reyna dana destpêkerdene.

Serekîya Daîreya Xizmetanê Cinî û Keyeyî, seba ke cinîyî qabîlîyetê teknîkî bigîrê, hem cuya xo ya rojaneyî de xoser bibê hem zî warê meslekî de xurt bibê, kursanê xo yê piştgirîya seypeyîya cinsîyetê komelkî dewam kena.

Muracatî Heta 2ê teşrîna verêne

Waştişê cinîyan ser o kursê miqateyê klîma, kombî û petekan û pêardiş û tamîrkerdişê mobîlyayan reyna abîyî. Êyê ke wazenê beşdar bibê, mabênê tarîxanê 25ê Êlûle - 2ê teşrîna verêne de qeydê xo virazenê. Kontenjanî sinorkerdeye yê, muracatî Merkezê Cuya Cinîyan ê Quça, Koşuyolu, Lalebey, Yenîkoy û Ben û Sen û Merkezê Piştîpêdayîşî yê DÎKASUMî ser ra benê.

Seba melûmatê hîrayî telefonê (0412) 228 43 84 ra melûmatî eşkenê bêrê girewtene.