Şaredarîya Amedî ya Şaristanê Girdî, dekewtiş-vejîyayîşê şaristanî ke bi serranê dergan îhmal bîyî û xirabe mendî, seba modernkerdişî hazir kerdî û projeyê rayîrê Mardînî reyde dest bi xebatan kerd.

Serekîya Daîreya Park û Baxçeyan, hemsengîya ekolojîke gêna merkezê karanê xo û nê projeyê hîrayî rayîrê Mardînî de xebatanê binawanî reyde da destpêkerdene. Na xebate reyde rayîrê Mardînî dîmenêko keskayî girewt, resê peyayan û wesayîtan emnîyetêr bibo.

20 Kîlometre de Peyzaj

Projeyî de Serekîya Daîreya Park û Baxçeyan, şîyayîş-ameyîş pêro pîya 20 kîlometre de xebatanê peyzajî do bikero.

Serekîya Daîreya Park û Baxçeyan qadanê dîyarkerde de yew sondaj, 350 metrekub depoyê awe, refûjan de xetê awedayîşî, wedardişê bordûranê kehenan û refûjan de teserûf kena. Badê qedîyayîşê binawanî, seba teserûfê awe refûjan de peyzajo huşk do ca bigîro, darî û lemê cîya-cîyayî do bêrê ronayene.