Rêxistinê cinîyan seba Rojîne Kabaîş ke wendekara Unîversîteya Yuzuncuyilî bî û 27ê êlule 2024î de Wan de wargehî ra vejîyaybî û vindî bîybî dima zî meyîtê aye 15ê tebaxe 2024î de ameybî dîyene, Amed de rayîrşîyayîşêk organîze kerd.

Rayîrşîyayoxî ke mîyanê înan de Hemşaredara Amedî ya Şaristanê Serra Bucak, Parlamentera Dem Partî Adalet Kaya, hemşaredarê qezayan, keyeyê Rojîne û xeylî cinîyî beşdar biyî, Berê Koyî de ameyî têhet û heta Camîyê Pîlî rayîr şîyî.
Rayîrşîyayîşî ra dima Hemşaredare Bucak qisey kerd û bale ante têkoşînê edaletî ser o ke serrêk dewam keno û dîyar kerd ke heta kiştoxî Rojîne nêrê tepîştene ê do qetî fek têkoşînî ra nêverdê.

Rayîrşîyayîş qiseykerdişan ra dima qedîya.