Mudîrîyetê Pêroyî yê DÎSKÎ û Muftîyîya Şaristanî, pawitişê awe û vernîgirewtişê îsrafî ser o seba zêdekerdişê hişyarîya komelkî Camîyê Pîlî de beyanêko pîya da.

Beyanî de bal ameye antene ke awe tena babetêka teknîkîye nîya, eynî wext de mesûlîyetêka exlaqî ya.

Mudîrê Pêroyî yê DÎSKÎ Mehmet Şerîfogluyî va sewbîna sermîyangozarîyê teknîkî, seba ameyoxêko domdar hişê komelkî şert o.

Nê armancî reyde domanan rê "Programê Perwerdeyê Qasidê Awe" dest pêkerd, girdan rê zî camîyan de bi waez û sohbetan melûmatî do bêrê dayene.

Muftîyê Şaristanî Celal Buyukî zî va îsrafê awe hem meselayêka dînî hem zî exlaqî ya, her kesî dawet kerd ke seba awe hesas bibê.