Hemşaredara Amedî ya Şaristanê Girdî Serra Bucak beşdarê îzahatê weşîya Şarnas Îsmaîl Beşîkçî bîye ke Festîvalê Belgefîlman ê FîlmAmedî de gonî perraybî bezgê ey û ameybî berdene bi  Fakulteta Unîversîteya Dîcle.

Hemşaredare Bucak dîyar kerd de wayîrvejîyayîşî Beşîkçî ke seba têkoşînê kurdan ê birûmetî bedelê girdî dayî, karê herkesî yo.

Serekê Odaya Tabîban a Amed Veysî Ulgenî îfade kerd ke weşîya Beşîkçîyî hema zî krîtîk a la gonî vinderta.

Bucak zî dîyar kerd destpêkî ra heme xebatkar, îdarekerê û hekîmê unîversîte biseferberîye xebitênê, seba ney înan rê sipas kerd. Bucak va, "Ma hêvî kenê ke Mamosta Îsmaîl baş beni û têkoşînê kurdan ê birûmetî de dewam keno ke bixebitîyo" û dîyar kerd ke heskerdoxê Beşîkçî eşkenê Weqfa Îsmaîl Beşîkçî ra rayberîyanê herêmkîyan ra malumat bigîrê.