Warê resî de xebatê Şaredarîya Amedî ya Şaristanê Girdî dewam kenê, na çarçewa de 13 qezayan de xebeta newekerdişê rayîran ameye kerdene.

Xebatê Şaredarîya Amedî ya Şaristanê Girdî ke çarçewaya Planê Masterî yê 5 Serran de kenê, dewam kenê. Nê warî de 13 qezayanê ma de 309 km rayîrê ma ameyî newekerdene û debîyî xizmetê şarî.

Qezayanê Karaz, Farqîn, Bismil, Çêrmûg, Pîran, Gêl, Licê, Sûr, Kayapinar, Erxenî, Hezro û Pasûr de ma xebatanê asfalt, parke, binbinge, awanîyê hunerî û rayîranê betonî reyde seba şarê xo resî kenê hîna konforin, emirderg û biemnîyet.

Xebatê Şaredarîya Amedî ya Şaristanê Girdî goreyê waştişê şarê ma yê taxe û muxtaran bêmabên dewam kenê.

5 qezayan de xebatî dewam kenê

Pîran de rayîro ke şino Zixirpey, û 4km yo, tede xebatê kendiş û pirrkerdişî dewam kenê. Mîyanê qeza de zî xebatê parke ûêb dewam kenê.

Kayapinar de; 1.7 km rayîrî de seba xebata parkeyî xebatê kendiş û pirrkerdişî yenê kerdene.

Erxenî de; 2.6 km de mîyanê merkezê qeza de 2 cadeyan de hazirîya asfaltî yena kerdene.

Hezro de; 10 km de xebatê kendiş û pirrkerdişî yenê kerdene û 3 km de zî hazirîya parkeyî yena kerdene.

Pasûr de zî 32 km rayîrî ser o kendiş, pirrkerdiş û hîrakerdişî yenê kerdene.