Hemşaredara Şaredarîya Amedî ya Şaristanê Girdî Serra Bucak Mudîrîyetê Şûbeyê Îkmal, Tamîr û Ciewnîyayîşê Makîneyan zîyaret kerd û va ke do xebatanê xurtkerdişê binawanîya teknîkî ser o zêdeyêr bixebitîyê.

Hemşaredara Şaredarîya Şaristanê Girdî Serra Bucak, çarçewaya zîyaretanê yewîneyanê şaredarîye de, Mudîrîyetê Şûbeyê Îkmal, Tamîr û Ciewnîyayîşê Makîneyan ke girêdayeyê Serekîya Daîreya Xizmetanê Piştgirîye yo, zîyaret kerd.

Hemşaredare Bucak, derheqê prosesê tamîr û ciewnîyayîşê wesayîtan û teçhîzatê teknîkî de berpirsîyaranê yewîneya eleqedere ra agahî girewtî. Hemşaredare Bucak ke xebatî cayê xo de etud kerdî, derheqê xurtkerdişê binawanîya teknîkî û hûmara xebatkaran de erjnayîşî kerdî. Hemşaredare Bucak ke derheqê munasîbîya makîne û ekîbmanê şertanê ewroyînan de agahî girewtî, va ke do xebatanê xurtkerdişê binawanîya teknîkî ser o zêdeyêr bixebitîyê.

Hemşaredare Bucak, çarçewaya programî de badê şîye Serekîya Daîreya Koordînasyonê Ciewnîyayîşê Rayîr û Binawanîyan ke eynî ca de ya û derheqê xebatan de ke yenê kerdene agahî girewtî.

Etudkerdişan de, Endamê Meclîsê DBB'yî Velat Eser û Serekê Daîreya Xizmetanê Piştgirîye Arîf Çelîk Hemşaredare Bucak reyde bîyî.