Hemşaredara Amedî ya Şaristanê Girdî Serra Bucak, beşdarê beyanatî bîye ke seba cezaya PFDK'yî daya Amedsporî ra seba sloganê kurdkî û va "Keyeyê xo, ziwanê xo, taximê xo rê ma wayîrîye kenê."

Rêxistinanê komelê sîvîlî yê Amedî û Konseya Mişewreyî ya Amedsporî, seba ke PFDK’yî ceza daya Amedsporî yê seba sloganê kurdkî, Meydanê Berê Koyî de beyanat da. Beyanatî de, Hemşaredara Amedî ya Şaristanê Girdî Serra Bucak û temsîlkarê odayanê meslekî û komelê sîvîlî beşdar bîyî. Beyanatî de, bal ameye antene cîyakerîya ke Amedspor marûzê ci menda û ame waştene ke nê tetbîqan ra dest bêro verdayene.

Hemşaredare Bucak: Amedspor nasnameyê nê bajarî yo

Hemşaredare Serra Bucak ke beyanatî de qisey kerd, va ke seba cîyakerîya ke Amedspor rastê ci yeno, seba vatiş "BES"î ameyî pêser. Hemşaredare Bucak ke dîyar kerd Amedspor tena bajarî nîyo, herêmî ra vîyarto, reseno dîasporayî, stadyum de 30-40 hezar kesî yeno pêser û se hezaran terefdarê ey est ê, va: "Vîyarteyê Amedsporî est o. Tecrube û zanayîşê Amedsporî nê bajarî de est o. Têkoşînê taximî hem seba nasnameyî hem zî seba seypêyîya demokratîke ya sporî de nêşêno bêro peygoşkerdiş. Amedspor aîdîyetê nê bajarî yo, nasnameyê ey o."

'Keyeyê xo, ziwanê xo, taximê xo rê wayîr vejîyenê'

Hemşaredare Bucak ke nîşanê sloganê "Keyeyê xo, ziwanê xo, taximê xo rê wayîr vejîyenê", kerd wina dewam kerd: "Eya, ma keyeyê xo rê wayîr vejîyenê. Keyeyê xo, ziwanê xo, taximê xo rê wayîr vejîyenê. Ma TFFyî ra têkilîya piştîdayîş, hurmet û bawerîye wazenê. No seba ma pêroyînan do weş bo.