BI munasebetê 1ê Teşrîna Verêne Roja Kal û Pîran şarê  pîran rê piştîdayîşê keye de miqatîye û makîneya tansîyonî ame dayene.

Şaredarîya Amedî ya Şaristanê Girdî, bi munasebetê 1ê Teşrîna Verêne Roja Kal û Pîran, kal û pîrê ke tena manenê û hewcedarîya înan a miqateyî est a, keyeyê înan de zîyaret kerd.

Ekîbê Serekîya Daîreya Astengdar û Pîran keyeyê înan de hem xizmetê miqatîye da hem zî makîneya tansîyonî dîyarîyê înan kerd.

Nê warî de şarê ma yo ke 65 serrî ra cor o û nêweşê tansîyon ê, înan rê piştîdayîşê makîneya tansîyonî yeno kerdene.

Xebatan de hem kontrolê weşîya pîranê ma yeno kerdene hem zî miqateyîya înan de şexsî zî yena kerdene.