Taximê Voleybolî yê Cinîyan ê Şaredarîya Amedî ya Şaristanê Girdî ke hazirîyê xo temam kerdî, Lîga 1. de maçê xo yê yewinî deplasmanê Ankara de Klubê Sporî yê Îlbankî reyde kena.

Taximê voleybolî de Serekîya Daîreya Xizmetanê Spor û Ciwanan a Şaredarîya Amedî ya Şaristanê Girdî de ame awankerdene, par 18 maçanê xo 15 rey serkewt û rêza 3. de lîge qedêna. Dawetê Lîga 1. bî. 

Grûba Byî 

Fîksturî de dîyar bîye ke grûba Byî de taximê şaredarî do taximanê boyunca Kuzeyboru Maxipipe Spor, Karayollari, PTT, Sakarya, Afyon Belediyesi Yüntaş, MKE Ankaragücü, Muratpaşa Belediyesi, Zeren Spor, Ted Ankara Kolejliler, Manavgat Belediyesi, Merinos, Konya Ereğli Belediyesi reyde kay bikero.

Kadroyê taximî ame xurtkerdene

Lîga 1. de hazirîyê taximî temam bîyî kadroyê ci ame xurtkerdene. Transferê neweyî qedîyayî û taxim seba lîga 1. hazirîyê temam kerdî.

Maço verên 4 teşrîna verêne de

Taximê voleybolî yê cinîyan ê DBB’yî maçê xo verênî de deplasmanê Ankara de Klubê Sporî yê Îlbankî reyde kay keno.

 ‘Hedefê ma lîga corên a’

Antronorê taximî Sitki Karataşî îfade kerd ke ê hazirîyê xo maçê verênî temam kerdî û va, “Hedefê am o yo ke ma bi hewayêko tewr baş bajarê xo temsîl bikerê û taximê xo vejê lîga corêne.”