Hemşaredarê Amedî yê Şaristanê Girdî Dogan Hatun, bi munasebetê 4ê Teşrîna Verêne Roja Heqanê Heywanan a Dinya beşdarê çalakîyêk bî ke Merkezê Rehabîlîtasyon û Miqateyê Heywanan de ameye organîzekerdene.

Hatunî dîyar kerd ke cuya heywanan zî wasê yê însanan pîroz a û venga da ke cuya ke xoza reyde têkildar a, bêra awankerdene.

'Na dinya seba ma hemînan ca est o'

 Hemşaredarê Amedî yê Şaristanê Girdî Hatunî ke çalakî de qisey kerd, va, “Ma vanê ke yew dare zî, çilkêka awe zî, kulmêka herre zî, însanî zî, heywanî zî heme seypê yê. Na dinya seba ma hemînan ca est o.”

Hatunî dîyar kerd ke heqê ma tu kesî çin o ke ma heqê cuya heywanan teng bikerê, vengdayîşê bedilnayîşê hişmendîye kerd û va ke hewce keno ke ma awe û nanê xo înan reyde pare bikerê.