Şaredarîya Amedî ya Şaristanê Girdî, çar qezayanê merkezîyan de cayanê cîyayan de seba ke çatrayîrî estetîkêr bibê, xebatan kena.

Serekîya Daîreya Park û Baxçeyan, seba ke piştgirîya estetîkê şaristanî bikero û çatrayîrî modernêr bibê, xebatê payzajî dayî destpêkerdene.

Ekîbê Şefîya Fîdanlik û Darûberinkerdişî, verê xebatanê payzajî qezayanê Yenîşehîr, Baglar, Kayapinar û Sûrî de cayanê cîyayan de çatrayîrande kêmanîyan tesbît kenê.

Ekîbê ke seba çareserkerdişê kêmanîyanê tesbîtbîyayîyan dest bi karî kenê, badê ke çatrayîrî seba ronayîşê nebatan bêrê amadekerdene, vilik, leme û daran ronenê. Sewbîna cayê zirçanê kehenan zî yenê newekerdene.

Bi saya xebatanê ke yenê kerdene, çatrayîrê çar qezayanê merkezîyan hîna estetîk û modern benê.

Serekîya Daîreya Park û Baxçeyan, pêroyê serre de goreyê hewceyîyan û planê xebatan ê dîyarkerdeyî, cayanê cîyayan ê şaristanî de çatrayîran de xebatanê serûberkerdişê payzajî do dewam bikera.