Hemşaredara Amedî ya Şarsitanê Girdî Serra Bucak îfade kerd ke ê do xizmetanê weşîye yê vernîgirewtoxan dewam bikerê.

Serekîya Daîreya Karanê Weşîye, Serekîya Daîreya Xizmetanê Cinî û Keyeyî û bi hemkarîya Odaya Tabîbab a Amedî û Komela Kanserî ya Gunişigi, çarçewaya 1-31ê teşrîna verêne Aşma Hişyarîya Kanserê Singî de "Têhetameyîşê Hişyarîya Kanserê Singî" ame viraştene.

Hemşaredara Amedî ya Şarsitanê Girdî Serra Bucak têhetameyîşî de qisey kerd û îfade kerd ke ê do xizmetanê weşîye yê vernîgirewtoxan merkezê şaristanî û dewan de dewam bikerê.

Bucak qiseykerdişê xo de bal ante muhîmîya xebatanê hişyarîye ser o û va ke ê hedef kenê ke weşîya şarî resayoxêr bikerê û muhîmîya têkoşînê rêxistinkerdeyî û piştîpêdayîşî dîyar kerd.