Mudirîya Pêroyî ya DÎSKÎ ya Şaredarîya Amedî ya Şaristanê Girdî qezaya Çinar de seranserê qeza de 18 aşmanê peyênan de 5 hezar metre xeta awa şimitişî ya newîye ronaye.

BI xebate ke Şaredarîya Amedî ya Şaristanê Girdî kerde, bi hezaran keyeyê ke bi serran o zehmetîya awe antêne, resnayî awa şimitişî ya biweşîye û bêvindertene.

Xebatî dewam kenê

Na çarçewa de Taxa Gelî de zî xebata ronayîşê xeta awa şimitişî ya newîye ya 400 metre dewam kena. Bi temambîyayîşê xebate 10 keyeyê Taxa Gelî do biresê awa bêvindertene.

Şar seba xizmetî keyfweş o

Şarê taxe îfade kerd ke seba ke problemê awe yê ke bi serran dewam kerdêne, ame çareserkerdene, keyfweş ê.