Bi mêmandarîya Şaredarîya Amedî ya Şaristanê Girdî Forumê Awê Mezopotamya yê 2. bi hemkarîya Forumê Awê Mezopotamya û Herekatê Ekolojîya Mezopotamyayî ame organîzekerdene. Forumo ke do hîrê rojan dewam bikero, Merkezê Kultur û Kongre yê Çand Amedî de dest pêkerd. Hemşaredarê Amedî Dogan Hatunî forumî de va: "Awe cu ya, coka ganî ma awe bipawê."

Forumê Awê Mezopotamya yê 2. Merkezê Kultur û Kongre yê Çand Amedî de dest pêkerd. Forumî de Hemşaredarê ma Dogan Hatun, Hemsereka DBP'yî ya Pêroyîye Çigdem Kiliçgun Uçar, hemşaredarê qezayan, Iraq, Sûrîye û Tirkîya ra çalakgerê cugehî, akademîsyenî û temsîlkarê rêxistinanê komelê sîvîlî beşdar bîyî. Forum heta 19ê teşrîna verêne do dewam bikero.

HemÅŸaredar Hatun: Awe cu ya

Hemşaredarê Amedî Dogan Hatun akerdişê forumî de qisey kerd û va ke aw çimeyê cu ya. Hatunî va: "Awe çeke nîya, awe seba pêroyê xoza, seba pêroyê ganîyan cu ya. Ma pîya ganî xozaya xo bipawê, awa xo bipawê. Awe însanan ra zafêr pîroz a. Awe tîya de 12 hezar serran ma rê cuye daye. Eke ma wazenê ke dinya nêba çol, ganî ma terzê xo bivurnê. 

Hemsereka DBP'yî ya Pêroyîye Çigdem Kiliçgun Uçar va ke ganî ma çimeyanê awe vera êrîşanê kapîtalîzmî bipawê. Forumî de rayîrê piştîpêdayîşê herêmkî û çareserîyê problemê awe do bêrê qiseykerdene.