Hemşaredara Amedî ya Şaristanê Girdî Serra Bucak, beşdarê Kongreya Awarte ya Klubê Amedsporî bîye ke Lîga 1. de kay keno.

Hemşaredare Bucak destek û piştîya xo ya Amedsporî tekrar kerd û îfade kerd ke ganî fehmê îdarekerdişî zemînê demokratîk û fehmanê ke vengê şarî goşdarî keno, bibo.

Hemşaredara Amedî ya Şaristanê Girdî Serra Bucak, bale ant ke prosesêko muhîm ramîyeno û va ke 18 aşman ra dima ke ê ameybî xizmetî ser o, taxrîbatê girdî û şertê madî est bibê zî, înan piştîdayîşê xo yê Amedsporî ra game apey nêeşte.

 Nahît Eren bî Serekê Klubê Amedsporî.

Netîceyê raydayîşê kongre de, Serekê Baroyê Amedî yo Nerên Nahît Eren bî Serekê Klubê Amedsporî.

Badê ke Serekê Amedsporî Nahît Erenî hedef û waştişê xo îfade kerdî, Kongre qedîya.