Hemsereka Şaredarîya Amedî ya Şaristanê Girdî Serra Bucak, kombîyayîşî de ke Serekê TBMM'yî Numan Kurtulmuş û endamanê Komîsyonê Yewbîyayîşê Mîllî, Wayûbirayî û Demokra reyde temsîlkarê sazîyanê komelê sîvîlî kom bîyî, qisey kerd.

Hemsereka Şaredarîya Amedî ya Şaristanê Girdî Bucak kombîyayîşo bi pêroyî "zaf manedar û qîmetin o" erjna û dîyar kerd ke no, bawerîya haştî û demokrasîye xurt keno.

'Wa proses pozîtîf biqedîyo'

Hemsereka Şaredarîya Amedî ya Şaristanê Girdî ke waşt ke prosesê haştî û demokratîkbîyayîşî bi yew peynîya pozîtîfe biqedîyo, qiseykerdişê xo bi vengdayîşêk qedêna: "Wedarîyayîşê qeyuman û resayîşê rayberanê weçînayeyan ê herêmkîyan, meclîs û agêrayîşê hemserekan ê şaredarî gamanê tewr muhîman ê haştî û demokrasîye ra ya yew a."