Mêmandarîya Şaredarîya Amedî ya Şaristanê Girdî de, seba zêdekerdişê qebîlîyetê dîjîtalî yê ciwanan û averberdişê firsendê karî yê waranê newîyan, Cayê Cuya Hempare ya yê Sumerparkî de Merkezê Ciwanan o Dîjîtal (DİGEM) ame akerdene.

Merkez, finansê UE, destegê TBB û UNDP’yî reyde ame akerdene.

Akerdişî de Hemşaredarê Amedî yê Şaristanê Girdî Dogan Hatun, Hemşaredara Şaredarîya Surî Fatma Gulan Onkol, Hetkara Sekreterê Pêroyî yê TBB’yî Şengule Altan Arslan, Sereka Daîreya Hemkarî û Delegasyonê UE yê Tirkîya Maria Luisa Wygonowska, Temsilkara Mukîm a UNDP’yî Tirkîya Monica Merino, hemşaredarê qezeyan, serekê daîreyanê ma û xeylê ciwanî beşdar bîyî.

Hatunî akerdişî de qisey kerd û bale ant muhîmîya na xebate ser o û va: "Ma tena waranê teknolojî de ney, ma bi ruhê ciwanîye heme waranê cuya xo de ruhê ciwanîye reyde xebitîyenê."