Şaredarîya Amedî ya Şaristanê Girdî, seba çareserkerdişê problemê rayîr û binawanî ke Taxa Geyîktepe ya Çarikli ya qezaya Surî de 30 serran ra vêşêr dewam kena, xebatêka girde daye destpêkerdene.

Pêdîyayîşanê şarî û Hemşaredaranê Amedî de waştişê înan ame girewtene Taxa Geyîktepe de ke 70 keyeyî tede est ê, xebatî lez bîyî.

Çarçewaya proje de; viraştişê rayîrî yê 3 hezar û 750 metreyan, ronayîşê kerraya parke yê 25 hezar metrekareyan, viraştişê dês kerrayan ê 450 metreyan û awanbîyayîşê binawanîya awa varanî yenê hedefkerdene.