Konserê Koma Amed Qada Newroze de bi coşêko gird ame viraştene

Mêmandarîya Şaredarîya Amedî ya Şaristanê Girdî û Şaredarîya Kayapinarî de, Koma Amed ke 30 serran ra dima Amed de sahne girewt, konserê xo yê Qada Newroze de bi coşêko gird viraşt.

Konserî de Hemşaredarê Amedî yê Şaristanê Girdî Serra Bucak û Dogan Hatun, hemşaredarê qezeyan, parlamenterî, hunermendî, bi se hezaran muzîkhesî ke welatî û welatê bînan ra ameybî, beşdar bîyî.

Konser ra ver hunermend Şivan Perwer, Xelil Xemgin û muzîsyenanê Kurdan mesajanê xo bi vîdeo û mesajê Hemşaredarêa Şaredarîya Şaristanê Girdî yê verênî Adnan Selçuk Mizrakli yê ke Hepisxaneyê F yê Edirne de yo û Hemsereko Pêroyî yo Verên ê HDP'yî Selahattin Demirtaş ke erşawitbî, ekran ser o ameyî temaşekerdene.

'Koma Amed, 30 serran ra dima peyser ameye keyeyê xo'

Hemşaredaranê Amedî konser ra ver vejîyayî sahne ser û silam da şarî. Hemşaredara Amedî Bucak qisey kerd û va: "Koma Amed, 30 serran ra dima peyser ameye keyeyê xo, hesretê 30 serran qedîya."

Konsero ke deyîrê grube ameyê vatene û bi hezaran goşdarî kerdî û bi coşêko gird qedîya.