Hemşaredara Şaredarîya Şaristanê Girdî Serra Bucak, Serekê Klûbê Dîyarbakirsporî Bedrî Ridvan û endamê heyetê îdareyî kerdî mêman.

Serekê Klûbê Diyarbakirsporî Bedrî Ridvan û endamê heyetê îdareyî, zîyaretê Şaredarîya Amedî ya Şaristanê Girdî kerd. Badê pêşwazîye Hemşaredare Serra Bucak, Ridvan û êyê ke pîya bîyî, înan reyde kombîyayîş kerd.

Kombîyayîşî de derheqê rewşa Dîyarbakirsporî de fikrî ameyî parekerdene.

Hemşaredare Bucak ke keyfweşîya xo ya zîyaretî îfade kerd, îdarekarê Klûbê Diyarbakirî yê ke kongreya aşma vîyarte de ameyî weçînayene, înan rê serkewtiş waşt.

Peynîya kombîyayîşî de Serekê Klûbê Diyarbakirsporî Bedrî Ridvanî, formaya Dîyarbakirsporî dîyarîya Hemşaredare Bucak kerde.

Zîyaretî de Sekreterê Pêroyî Emrullah Gorduk û Serekê Daîreya Xizmetanê Ciwan û Sporî Baran Yilmaz, Hemşaredare Bucak reyde bîyî.