Hemşaredarê Şaredarîya Amedî ya Şaristanê Girdî Serra Bucak û Dogan Hatun, çarçewaya têkilîyanê xo yê Fransa de, endamanê Komîsyonê Têkilîyanê Teberî yê Şaredarîya Parîsî reyde ameyî têhet.

Hemşaredarê Şaredarîya Şaristanê Girdî Serra Bucak û Dogan Hatun, çarçewaya têkilîyanê xo yê Parîsê Fransa de, endamanê Komîsyonê Têkilîyanê Teberî yê Şaredarîya Parîsî reyde ameyî têhet. Hemşaredara DBB’yî ya verêne Gultan Kişanak zî beşdarê zîyaretî bîye.

Kombîyayîşî de heyetê DBB’yî, bale ante muhîmîya gaman ser o ke seba xurtkerdişê piştîpêdayîşî û parekerdişê tecrubeyanê mabênê her di şaristanan. Endama Komîsyonê Têkilîyanê Teberî yê Şaredarîya Parîsî Geneviève Garrigos zî îfade kerd ke ê seba xurtkerdişê hemkarîyanê demdergan û domdaran ê Amedî amade yê.

Hemşaredarî do protokol îmza bikerê

Hemşaredarî, çarçewaya têkilîyanê xo de rojê ke vernîya ma de yê, do Şaredarîya Rennesî reyde protokolê Şaristananê Wayûbirayîye îmza bikerê û do beşdarê gêrayîşê teknîkî yê derheqê îdareyê eşteyanê huşkan de bibê.