Şaredarîya Amedî ya Şaristanê Girdî, bi xizmetê "Ca De Çarekerdiş"î waştişê şarî resnena çareserîye.

Ekîbê Serekîya Daîreya Çapemenî, Weşan û Têkilîyanê Şarî, bi xebatanê saha yê ke qezayanê Baglar, Kayapinar, Yenîşehîr û Sûrî de kenê, problem û waştişanê şarî not kenê û çareserîyan peyda kenê. Ekîbê Yewîna Ca De Çarekerdişî taxan ra hem broşûran vila kenê hem zî problem û waştişanê şarî not kenê û seba çareserkerdişî resnenê serekîyanê daîreyanê têkildaran.

Ekîbê Ca De Çarekerdişî, waştişê şarê Taxa Bagîvarî ya qezaya Sûrî yê dermankerdişê kêzikan resna Serekîya Daîreya Karanê Weşîye. Ekîbê yewîna dermankerdişî herêma ke gazinî ameyî, tede dermankerdişê kêzikan kerd û waştişê şarî ard ca.

Waştişê şarî yê qutîyanê çopî ame bicaardene

Ekîbê Ca De Çarekerdişî waştişê qutîyanê çopî yê şarê Taxa Fabrîka ya qezaya Yenîşehîrî not kerd û resna Serekîya Daîreya Pawitişê Cugehî û Kontrolî. Ekîban qutîyê çopî yê kehenî tamîr kerdî û cayê ke hewce bîyî qutîyê neweyî ronayî.

'Ma bi fehmê çareserîhesî hereket kenê'

Şefîya Têkilîyanê Şarî Bahar Soysal îfade kerd ke ê goreyê waştişanê şarî têkilîya serekîyanê daîreyan ê wezîfedaran ronanê. Soysale va: "Ma do bi fehmê çareserîhesî waştişanê ke şarê ma ra yenê, bîyarê ca."