Hemşaredarê Amedî yê Şaristanê Girdî Serra Bucak û Dogan Hatun, Hemşaredara DBB’ya Verêne Gultane Kişanak reyde, çarçewaya têkilîyanê xo yê Parîsê Fransa de, panelo ke hetê Weqfa Danielle Mitterrandî ra ame organîzekerdene, tede aktîvîst û wendekarê ke Parîs de warê ekolojî û demokrasîye de xebitîyenê, înan reyde ameyî têhet.

Panel de beşdaran derheqê şaredarîya şarperwer, komelê sivîlî senî xebatanê şaredarîye de yeno hemparkerdiş û averşîyayîşê nikayînan ê Tirkîya de çîyê ke merak kerdêne, ê persayî Hemşaredaranê ma ra.

Bucak û Hatunî zî, derheqê xebatanê Şaredarîya ma ya Şaristanê Girdî yê seba cinîyan, xizmetê komelkî, ekolojî û ciwanan de agahî dayî û çalakîyê ke bi rêxistinanê sivîlan ê têkilîdaran reyde yenê kerdene, pare kerdî.