Şaredarîya Amedî ya Şaristanê Girdî, seba xurtkerdişê îdareyê eşte û tatbîqanê neweraxebitnayîşî, tesîsê eşteyanê huşkan ê Şaredarîya Rennesî de etud kerd.

Ekîbê Serekîya Daîreya Pawitişê Cugehî û Kontrolî û Serekîya Daîreya Vuryayîşê Îklîmî û Sifir Eşteyî yê Şaredarîya Amedî ya Şaristanê Girdî, tesîsê eşteyanê huşkan ê Şaredarîya Rennesî yê herêma Bretonyaya Fransa de etud kerd.

Zîyaretî de, berpirsîyaranê tesîsî heme prosesî çime de cîyakerdişê eşteyan ra heta vurnayîşê enerjîye bi teferuatan îzah kerd,. Berpirsîyaran, polîtîkayanê eşteyan ke şaristanî de yenê tatbîqkerdene, stratejî û kulturê neweraxebitnayîşî senî ameyo xurtkerdene, derheqê nê babetan de agahî pare kerdî. Kombîyayîşan de xebatê hemparî yê ke nê warî de mabênê her di şaredarîyan de eşkenê bêrê kerdene zî ameyî qiseykerdene.

Etudan de Dîrektorê Daîreya Îdareyê Eşteyî yê Rayberîya Metropolê Rennesî Marie Neuschwander û Serekê Yewîna Tesîsan û Newe ra bikarardişî Benoît Guigue pîya bîyî.