Festîvalê Fîlman ê Amedî yo 3. yê Mîyannetewî ke bi mêmandarîya Şaredarîya ma ya Şaristanê Girdî û bi rayberîya Akademîya Sînema ya Rojhelatê Mîyanên û Sînebîrî 7-14ê Kanûne de ame organîzekerdene, temam bî.

Festîvalî de ke bi şîarê "Dinya hîkayeyan reyde yena têhet" 8 rojan dewam kerd, 84 fîlmê kilmî, dergi û belgefîlî sînemahesanê Amedî reyde ameyî têhet.

Festîval tena bi nîşandayîşê fîlman ney; bi panel, sohbet û xebatanê atolyeyan ke ameyî organîzekerdene zî hetkarîyêka dewlemende daye cuya kultur-hunerî ya şaristanî.

Nawitgehê Yol/Rayîr ke bi îlhamê fîlmê Yol (rayîr) ê Yilmaz Guneyî ame hazirkerdene, do yew aşme Merkezê Kultur û Kongre yê Çand Amedî de seba zîyaretî akerde bimano.