Şahbanûya bêtace ya muzîkê Kurdan Eyşe Şan, serra 29. ya merdişê xo de bi panelê ke behsê cuya xo û muzîkê xo keno û bi dayîrê ke ziwanî ra nêkewenê, ameye vîrardene.

Çarçewaya programî de panelo ke bi moderatorîya ci Sereka KASEDî Salîha Ayata, Sereka Daîreya Kultur, Huner û Karanê Komelkî Zeynep Yaş û rêjîsora şanoyî Berfîn Zenderlîoglu sey qisekerdoxî beşdar bîyî, ame organîzekerdene.

Programe de cuya Eyşe Şan hunerê ci û cayê ci yê têkoşînê cinîyan de ame qiseykerdene.

Badê panelî hunermendanê Merkezê Kulturî yê Dîcle Firatî û Ma Musîcî deyîrê Şan yê ke ziwanî ra nêkewenê bi vengê xo goşdarîkerdoxan de newe ra hîsê muzîkanê Şan dayî hîskerdene.

Lajê Şan Murat Kersenî ke bi dayîşê gulan hunermendî pîroz kerdî, va: "Goşdarîkerdişê deyîranê maya mi ziwanê nê neslanê ciwanan ra ez zaf tesîr verdaya." û sipas kerd kesê ke piştî daya çalakîye.