Hemşaredarê Amedî yê Şaristanê Girdî Serra Bucak û Dogan Hatun, qezaya Baglarî Cadeyê Emekî de bi esnafû şarîreyde ameyî têhet û waştiş û pêşnîyazî cayê xo de goşdarî kerdî.

Zîyarete de ke Hemşaredarê Şaredarîya Baglarî Leyla Ayaz û Sîraç Çelîk û endamê meclîsê ma zî beşdar bîyî, fikrê çarekerdişê problemê esnafan ameyî parekerdene.

Hemşaredara Şaredarîya Amedî ya Şaristanê Girdî Serra Bucak ke zîyaretê esnafan de bale ante muhîmîya goşdarîkerdişê pêşnîyaz û waştişan ser o, îfade kerd ke ganî vegndayîşê aştî û demokratîkbîyayîşî her warê cuye de bêro kerdene.