Şaredarîya Amedî ya Şaristanê Girdî xebatanê xo yê tesbîtkerdişê problemanê cinîyanê ke taxanê teberî de ciwîyênê, ca de dewam kena.

Na çarçewa de Serekîya Daîreya Xizmetanê Cinî û Keyeyî ya Şaredarîya Amedî ya Şaristanê Girdî  Taxa Elmadereyî ya qezaya Şankûşî de xebata hişyarkerdişê seypêyîya cinsîyetê komelkî kerd.

Cinîyan rê derheqê seypêyîya cinsîyetê komelkî, tewirê şîdetî, mekanîzmayê muracatî yê têkoşînê vera şîdetî, Qanûnê 6284î, xebitnayîşê merkezanê cuya cinîyan, DÎKASUM, Alo Xeta Şîdetî û falîyetanê qursan de ke çarçewaya şaredarîya ma de yenê ramitene, agahî ameyî dayene.

Xebate de cinîyan îfade kerd ke kêmanîyê xizmetanê bingeyinan ê sey resayîşê awe, elektrîk, bînawanî û rayîrî rasterast tesîr kenê cuya înan a rojane ser o û no, tewr zêde cinîyan ser o yeno vînayene.