Hemşaredaranê Amedî yê Şaristanê Girdî seba sîstemê asinrayîr o sivik têkilîyanê xo yê Ankara dewam kenê.

Hemşaredarê Şaredarîya Amedî yê Şaristanê Girdî Serra Bucak û Dogan Hatun, çarçewaya têkilîyanê Ankara de zîyaretê Mudîrê Pêroyî yê Îlbankî Eyup Karahanî kerd.

Kombîyayîşî de ke Serekê Daîreya Sîstemê Asinrayîrî Erdal Balsak zî beşdar bî, projeyê stratejîkî ke do vîzyonê resê Amedî û bînawanîya rayberîya afetan xurt bikerê, bi teferruat ameyî qiseykerdene.
Pêdîyayîşî de, prosesê fînansê Sîstemê Asinrayîrî yo Sivik (Tramway) de tena Îlbank bibo muxatab, xebatê înşaatî yew rey de temam bibê û girewtişê erseyan qadem bi qadem bibo, ame nirxnayene.

Eynî wextî de seba bînawanîya înformatîk û teknîkî ya Merkezê Koordînasyonê Afatan (AKOM) ke goreyê hewcedarîyan ke badê erdlerzî zêde bîyî do bêro rojevekerdene, îmkanê fînansê teberî ameyî qiseykerdene.