Serekîya Daîreya Xizmetanê Cinî û Keyeyî, bi rojnamegerîta cinîyan ke sazîyê weşan û çapemenîya herêmkî û neteweyî de xebitîyenê, ameyî têhet.

Pêdîyayîşî de, raporê falîyetan ke xebatê şaredarîya serra 2025î ya temamîye ano pêser, rojnamegeran reyde ame parekerdene.

Hemşaredara Amedî Serra Bucak ke akerdişî de qisey kerd, bale ante ke kedekarê cinî yê çapemenîye xebatê zaf cidî kenê û va: "Ma wazenê problemê ke şima vînenê bigoşdarê; nê şaristanî de bîyayîşê rojnamegerêka cinî manaya xo çi ya û ma sey îdareyanê herêmkîyan eşkenê çi awan bikerê, ma wazenê naye şima rê vajê."

Rojnamegeranê cinîyan zî derheqê rapor û şaristanî de waştiş û pêşnîyazê xo yê çarekerdişî îfade kerdî.