Hemşaredara Şaredarîya Amedî ya Şaristanê Girdî Serra Bucak, xebatê ke ekîbî vera vewre dewam kenê, ca de kontrol kerd û şoforê ke lastîkê zimistanî çin ê îqaz kerd ke nêvejîyê trafîkî.

Bucak ke badê kontrolanê xo îzahat da, bale ante ke rewşe seranserê şaristanî de stabîl a û wina va: "Heme arterê ma yê serekeyî, heme vîyadûkê ma, Binerdê Ofîsî, Otogara qezayan a  kehene ya Batîkentî, Fîskaya, Seyrantepe, Ezîzîye, Kombanê TOKÎ heme warê ma rewşa stabîle de yê.

Rayîrî akerde yê. Wesayîtê ma yê ritişê vewre, wesayîtê ma yê soleeştişî; hem bi heme îmkananê 4 qezayanê ma yê merkezî hem zî Şaredarîya Amedî ya Şaristanê Girdî, nêzdîyê 50 wesayît û nêzdîyê 200 karkerî waran ra yê. Heta siba zî no hal do wina bibo."