Şaredarîya Amedî ya Şaristanê Girdî, bi fehmê şaredarîya komelkî, xebatanê piştîdayîşî seba keyeyanê ke şertê zimistanî tesîrê înan kerdo, dewam kena.

Bi kordînasyonê Serekîya Daîreya Xizmetanê Komelkîyan, taxanê Ezîzîye û Gurdoganî de ke giranîya hewceyîye tede est a, vilakerdişê kolîyanê xidayan ame kerdene.

Ney ra teber seba gedeyan zî piştîdayîşê şîtî seba keyeyan ame dayene.

Pê xebate, yeno amanckerdene ke hewceyîyê lezabezî yê keyeyanê ke resayîşê înan ê xidayanê bingeyinan zehmet o, bêro temînkerdene.

Ekîbê Şaredarîya Amedî ya Şaristanê Girdî yê Têkilîyanê Şarî yê Ca de Çarekerdişî zî beşdarê xebatan bîyî, problemê ke hemwelatîyê ma vînenê ca de tesbît kerdî û waştiş û gazinî seba resnayîşê yewînanê têkilîdaran qeyd kerdî.