Bi rayberîya Şaredarîya ma ya Şaristanê Girdî, bi beşdarîya şaredarîyanê qezayan Kordînasyonê Têkoşînê Vera Vewre ke ame awankerdene, kompleksê Serekîya Daîreya Viraştiş, Miqate û Tamîrê Rayîran de ame têhet.

Hemşaredara Şaredarîya Amedî ya Şaristanê Girdî Serra Bucak ke kombîyayîşî de qisey kerd ke hemşaredarê qezayan zî beşdar bîyî, îlan kerd ke badê îqazê Meteorolojîye amadekarîyê têkoşînê vera vewre temam bîyî.

Hemşaredare Bucak îfade kerd ke bi 280 wesayît û 1.500 karkeran heme amadekarîyê teknîkî ameyî kerdene û va ke herêma ke talûkeyê aşîtî tede est a zî, tedbîrê lazimî ameyî girewtene.

Hemşaredare Serra Bucak dîyar kerd ke heme kanalê ma yê têkilîye 7/24 do akerde bibê û pare kerd ke Merkezê Vengdayîşî yê ALO 153î ma seba îxbaran do akerde bibo.

Seba talûkeyê aşîtî ekîbî ameye erşawitene herême

Goreyê erjnayîşanê meterolokan bi taybetî vakurrojhelatê Amedî de qezayanê Licê û Pasûr de talûkeyê aşîtî est o. Hemşaredare Bucak dîyar kerd ke ekîbê îtfaîya û cigêrayîşî ameyî erşawitene herême.