Şaredarîya Amedî ya Şaristanê Girdî, bi kordînasyonê şaredarîyanê qezayan, bi amancê ke vewra girse û cemed taxanê dewan de res nêvindarnê, xebatanê xo yê pakkerdişê vewre û akerdişê rayîran bêvindertene dewam kena.

Çarçewaya xebatan de ke badê vewra ke 29ê Kanûne de dest pêkerd ameyî destpêkerdene û heta 13ê Çeleyî ameyî dewamkerdene, taxanê dewan de bi pêroyî 6 hezar û 290,1 kîlometre rayîr abî.

Qezayanê Pasûr, Licê û Farqînî de ke vizêrî vewre tesîrdar bîye, seba akerdişê rayîrê taxanê dewan ke girêdîyayî zî xebatê ekîbanê akerdişê rayîran û pakkerdişê vewre dewam kenê.

Ekîbî Badê Vewre Waran Ra Xebitênê

Kordînasyonê Têkoşînê Vera Vewre ke bi rayberîya Şaredarîya Amedî ya Şaristanê Girdî ame awankerdene, badê vewra ke vizêrî şewe dest pêkerd bi amancê ke seranserê şaristanî de res nêvindero, xebatê ritişê vewre, pakkerdişê peyarayîran û soleeştişî bêvindertene dewam kena.

Seba ke hemwelatîyî resî de qet rewşa nebaşe nêvînê, xebatê şaredarî seranserê şaristanî de dewam kenê.