Kombîyayîşê Adetî yo 2. yê Meclîsê Ziwanî yê Konseya Şaristanî, Merkezê Kongre û Kulturî yê Çand Amedî de ame viraştene.

Kombîyayîşî de endamanê Konseya Şaristanî ra teber endamê Meclîsê Şaredarîya Şaristanê Girdî, hemşaredarê şaredarîyanê qezayan, rêxistinanê komelê sîvîlî û temsîlkarê sazîyan ke warê ziwanî de xebate kenê, beşdar bîyî.

Kombîyayîşî de ke bi amancê pawitişê awanîya zafziwanîye ya şaristanî, averşîyayîş û asayîşê ziwanî yê cuya pêroyîye de planê kar û rêzikname ame qiseykerdene, beşdaran fikr û pêşnîyazê xo îfade kerdî.