Serekîya Daîreya Resî ya Şaredarîya Amedî ya Şaristanê Girdî, bi amancê rehetkerdişê resê mîyanê şaristanî û cewabdayîşê waştişanê hemwelatîyan, hîrakerdişê tora komresî dewam kena.

Goreyê waştişanê ke hetê hemwelatîyan ra ameyî, mabênê Teknokent û 500 Evleran de xeta otobusî ya newîye ya bi kodê TKyî dekenê xizmetê şarî.

Yeno amanckerdene ke rayîro newe bi taybetî resê hemwelatîyanê ma yê ke xeta Teknokent, dormeyê unîversîte û rayîrê Riha de ciwîyenê, asan bikero.