Bi kordînasyonê Şaredarîya Amedî ya Şaristanê Girdî, bi amancê xurtkerdişê xebata hempare û hemkarîya warê xizmetê komelkîyan ê mabênê şaredarîya şaristanê girdî û şaredarîyanê qezayan, Kombîyayîşê Awankerdişê Tora Koordînasyonê Xizmetanê Komelkîyan ame viraştene.

Kombîyayîşî de; yewînê ke warê xizmetanê komelkî, cinî, gede, astengdar, pîr, afate û piştgirîya psîkososyale de xebate kenê û temsîlkarê şaredarîyanê qezayan beşdar bîyî.

Kombîyayîşî de ke yeno plankerdene ke xerîtaya xizmetî ya derheqê rewşa nîkayîne ya xizmetanê komelkîyan û waranê hewceyî yê seranserê şaristanî de bêro viraştene, qerar ame girewtene ke vera rewşanê afat û krîzan mutabakato verên bêro temînkerdene û nê warê de grûbê xebate yê binî bêrê awankerdene.