Bernameyê perwerdeyê yo dîyin ê miqateyê klîma-kombî û petekan ke hetê Serekîyanê Daîreyanê Polîtîkayanê Cinîyan û Xizmetê Piştîdayîşî ra bi amancê warê teknîkî de xurtkerdişê cinîyan û nê warî de zêdekerdişê asayîşê înan Merkezê Cuya Cinîyan ê Koşuyolî de dest pêkerdbî, temam bî. 

Pê nê perwerdeyan cinî hem warê cuya xebate de hîna zaf asenê hem zî hetê çeşîdîya îstîhadamî ra warê cinîyan hîra bî.

Merasîmî de ke peynîya bernameyê di aşman de ame organîzekerdene, belgeyê beşdarîye hetê mamostayan ra ameyî dayene bi kursîyeran.

Xebatê Şaredarîya Amedî ya Şaristanê Girdî ke bi amancê xurtkerdişê warê cinîyan yenê kerdene, do pêroyê serre dewam bikerê.