Ekîbê Ca de Çarekerdişî yê girêdayeyê Serekîya Daîreya Çapemenî, Weşan û Têkilîyanê Şarî ya Şaredarîya Amedî ya Şaristanê Girdî goreyê fehmê îdarekerdişê şarmerkezî xebatanê xo dewam kenê.

Qezayanê Baglar, Kayapinar, Yenîşehîr û Sûrî de 30 taxan de 3 hezar û 545 zîyaretê esnafan ame kerdene.

Xebate de ke waştiş û pêşnîyazî ca de ameyî goşdarîkerdene û qeydkerdene; broşûrê agahdarîye yê ke bi tirkî, kurmancî û kirmanckî ameyî amadekerdene, ameyî vilakerdene.

Zîyaretan de derheqê Merkezê Vengdayîşî yê ALO 153î, xeta ma ya WhatsAppî ya 04121530000 û Xeta ma ya ALO Şîdetî ya 444 36 21î de zî agahî yenê dayene.