Keyeyê Sanikvatoxan ke Şaredarîya Amedî ya Şaristanê Girdî bi amancê xurtkerdişê vurnayîşê mabênê neslan de, kompleksê Parka Koşuyolu yê Baglarî de akerd, falîyetanê xo dewam keno.

Waro ke aredarîya Amedî ya Şaristanê Girdî sey cayê pêdîyayîşî yo muhîm ê seba pawitiş û gandarkerdişê kulturê fekkî dîzayn kerdo, hewte de 6 rojî mabênê saetanê 08.00-17.00 de seba zîyaretê hemwelatîyanê ma akerde yo.

Keyeyê Sanikvatoxan ke tena cayêkê qiseykerdişê çîrokan nîyo, eynî demî de taybetîya merkezê vîrê kulturî awan keno, tede sanikvatoxî û hostayê huneranê destan hîkayeyê ke cuyê înan ra pê yenê, zîyaretkerdoxan reyde pare kenê.