Şaredarîya Amedî ya Şaristanê Girdî, çarçewaya 21ê Sibate Roja Ziwanê Dayîke ya Dinya de bernameyêko hîra organîze kena ke nawitişê fîlman ra heta panelan, forûm ra heta konseran zaf çalakî tede yê.

Çalakîyê ke hetê Serekîya Daîreya Kultur, Huner û Karanê Komelkîyan ra yenê organîzekerdene, mabênê 19-22ê Sibate de sere de Merkezê Kongre û Kulturî yê Çand Amedî û cayanê cîya-cîyayan de do bêrê viraştene.

Çarçewaya bernameyî de; nawitişê belgefîlm û fîlmanê kilman, kaym tîyatro û performansê stand-upî, panelê "Ziwanê Dayîke û Perwerde", forûmê "Ziwanê ke Binê Tehlûke de Yê" û konsero zafziwanî do ca bigîrê.

Bi konserî ke tede wendekarê Konservatuara Aram Tîgranî do eseranê bi kurdkî (kurmancî, kirmanckî), armenkî û sûryankî biwanê, dewlemendîya kulturî ya ziwanê dayîke do biresa sehne.