Şaredarîya Amedî ya Şaristanê Girdî, çarçewaya çalakîyanê 21ê Sibate Roja Ziwanê Dayîke ya Dinya de bi amancê zêdekerdişê hesasîyetê ziwanî, bazaranê taxan û cayê karan de xebate daye destpêkerdene.

Bi kordînasyonê Serekîya Daîreya Kultur, Huner û Karanê Komelkîyan; bi beşdarîya Hemverfeka Meclîsî Demet Ceylan, endamê meclîsê Şaredarîya Kayapinarî û temsîlkarê STKyan reyde esnafanê ma rê etîketê vayîye ke nameyê sebze-mêweyan bi kurmancî û kirmanckî (zazakî) tede yê û tabelayê ke "Akerde-Girewte" û "Şima Bixeyr Ameyî" ser o nuşte yo, ameyî vilakerdene.

Çalakîyê şaredarî, mabênê 19-22ê Sibate de Merkezê Kongre û Kulturî yê Çand Amedî de bi weşanayîşê fîlman, panel, forûm û konseran do dewam bikerê.