Şaredarîya Amedî ya Şaristanê Girdî, bi amancê gandarkerdiş û hîrakerdişê kulturê mîrê tirşî yê seserreyî, seranserê şaristanî de atolyeya taybetîye organîze kerd.

Çalakîye de ke bi hemkarîya Serekîya Daîreya Kultur, Huner û Karanê Komelkîyan û Klûba Rotary a Dîyarbekirî, bi beşdarîya girse ya hemwelatîyanê ma ame viraştene; hetê akademîsyen û pisporan ra raywanîya tarîxî ya xeleyî, muhîmîya ci ya kulturî û faydeyê mîrê tirşî yê seba weşîye ameyî qiseykerdene.

Peynîya bernameyî de ke seba pawitişê mîrasê ma yê kulturî û gandarkerdişê kulturê zibareyî, beşdaran rê mîro tirş ame vilakerdene û nanê ke bi metodanê verênan ameyî pewtene, ameyî îkramkerdene.