Şaredarîya Amedî ya Şaristanê Girdî, çadirê fitarî ke do 4 nuqteyanê cîya-cîyayan ê şaristanî de ronayî, aşma Remezanî de  rojane 6 hezar û 500 kesan rê do werdê fitarî bido.

Çadirê ke do Meydanê Berê Koyî, Parka Koşuyolu, Parka Ben û Senî û Parka Keyeyê Tenûre yê qezaya Baglarî de bêrê awankerdene, rojane 6 hezar û 500 kesan rê menûyê fitarî ke çar tewir o, do bêro pêşkêşkerdene.

Şaredarîya Amedî ya Şaristanê Girdî sewbîna aşma Remezanî de bi hezar keyeyanê hewcedaran rê kolîyê Remezanî do vila bikero.

Hetê bînî ra Aşxaneyê Şarî ke aşma Remezanî de do girewte bibê, badê Roşanê Remezanî saetanê xebata ya xo ya verêne de do newe ra dest bi xizmetdayîşî bikerê.