Hemşaredarê Amedî Serra Bucak û Dogan Hatun beşdarê panelê "Ziwanê Dayîke û Perwerde" bîyî ke çarçewaya 21ê Sibate Roja Ziwanê Dayîke ya Dinya de ame organîzekerdene.

Bernameyo ke Merkezê Kongre û Kulturî yê Çand Amedî de ame organîzekerdene, hemşaredaranê ma ra teber ziwanzanî û temsîlkarê rêxistinanê komelê sîvîlî zî beşdar bîyî. Hemşaredara Amedî ya Şaristanê Girdî Bucak dîyar kerd ke bi amancê piştîdayîşê awanîya zafziwanîye ya şaristanî kursê ziwanî û perwerdeyanê cîyayan organîze kenê û bale ante muhîmîya viraştişê xerîteyêka rayîrî ya hempare seba gandayîşê ziwananê dayîke û pawitişê zafziwanîye ser o.

Bername, bi prezantasyonanê akademîsyenan û forumê "Ziwanê ke Binê Tehlûkeye de Yê" ame temamkerdene.