Şaredarîya Amedî ya Şaristanê Girdî, çarçewaya çalakîyanê 21ê Sibate Roja Ziwanê Dayîke ya Dinya de nîşandayîşê stand-up ê kurdkî organîze kerd.

Bernameyî de ke hetê Serekîya Daîreya Kultur, Huner û Karanê Komelkîyan ra Merkezê Kongre û Kulturî yê Çand Amedî de ame organîzekerdene; nîşandayîşê Ozcan Ateşî yê bi nameyê "Dawîya Dawî" ke tede koçberê ke dewe ra ameyî şaristan, têkoşînê cuya înan ê mabênê di kulturan bi ziwanêko îronîk vet sahne, bi eleqeyêko gird ê hemwelatîyanê ma ame vernîya temaşekerdoxan.