Şaredarîya Amedî ya Şaristanê Girdî, bi amancê rehetkerdişê resayîşê hemwelatîyanê ma yê astengdaranê vînayîşî yê materyalanê wendişî, 8 serranê mabênî ra dima Warê Cuya Hempare yê Sumerparkî de Projeyê Kîtabxaneyo Vengin newe ra da destpêkerdene.

Çarçewaya xebatan de ke binê Serekîya Daîreya Xizmetanê Astengdar û Pîran de bi motoyê "Cuya Hempare ya Bêastenge" yenê averberdene, 5 aşman de hetê 66 zerrîwazanê ma ra bi tirkî, kurmancî û zazakî 31 kîtabî ameyî vengdayene.

Kîtabê dersî, sanikî, şîîr û romanê ke bi esasê zerrîwazîye ameyî qeydkerdene, wextêko kilm de bi keyepelê ma û Kîtabxaneyo Tradîsyonel ê Amîdayî ra seba hemwelatîyanê ma yê astengdaranê vînayîşî bêpere do bêrê bicakerdene.