Platformê Cinîyan ê Dîcle Amedî (DAKAP), seba 8ê Adare Roja Cinîyanê Kedkaran a Dinya Parka Nujîyan a qezaya Çinarî de eşkerayîye daye.

Hemşaredara Şaredarîya Amedî ya Şaristanê Girdî Serra Bucak, hemşaredarê cinî yê şaredarîyanê qezayan û cinî beşdarê eşkerayîye bîyî.

Eşkerayîye de ke Parka Nujîyan de ame dayene, ame îfadekerdene ke xoverdayîşo ke bi pêşengîya cinîyan vera polîtîkayanê teda û şîdetî yeno ramitene, hêzdar beno û qerardarîya awankerdişê cuyêka demokratîke ke cinî merkezê ci de yê, ame nîşandayene.